* મને તું

એક ટપકું ગાલે કર્યું

ખળખળ વહ્યું

આકાશ સ્વચ્છ

પંખી ઊડ્યા

મેદાન તાકતું

એક ટપકું ઝૂમખે ઝીલ્યું

નીર આછર્યા

ફેલાયો ઝબકાર

પવન પડ્યો

ટાઢ થરથરી

હોઠ ધરાના મરક ગુલાબી

બાગના રસ્તે

ભરચક ખીલ્યા

એક ઈશારે

મહેંકી ઊઠયા

ખોબે ખોબે

તરસ તૃપ્ત

એક ટપકું

ઝીલ્યું

પામ્યું 

• નાના યક્ષ

સૂતા છે

શાંત, મૂર્તિમંત

થાકેલા

રસ્તાની અવરજવર સ્પર્શતી નથી

ખલેલ પડતી નથી નિદ્રામાં

ભુજિયાની ગોદમાં પોઢી જવાનું

ગમ્યું હશે અશ્વોને

કિલ્લા પરથી આવતા પવનમાં

સ્હેજ ફરકે છે મૂછ

      થરકે છે ત્વચા

સંખ્યાના માપની જરૂર નથી

અશ્વોને

સૂતા છે

આરામથી