• હા

હા !

તે જ કહ્યું

વહેતાં જળ થંભ્યા

ચાવ્યા વિના જ ગલી જતાં

ચણને ચાંચમાં પકડી

સૂનમૂન આકાશ તાકી રહ્યાં

હળું પવને ઝૂલતાં પર્ણો

એમ જ નથી ખરી પડ્યાં

નક્કી એક ઈંગિત !

નિસ્તેજ ચંદ્રને

વાદળ વચ્ચે છુપાવું

ઉચિત લાગ્યું હશે

ગાઢ અંધકારમાં

ઉંચો થયેલો હાથ

અંધાધૂંધ ટ્રાફિકને

અટકાવી દેતો

આખરે કયા આદેશથી ?

મૂગા તમરાની જેમ

ભેજવાળી માટીના દરમાં

ચૂપચાપ ઊતરી જતાં

અવાજને

એવો તો ચૂપ કર્યો

નક્કી, કહ્યું જ હશે

તે

કદાચ