· નજર સામે –વસંત જોષી

બધું નજર સામે બને છે

દાટેલું બીજ ઊગ્યું

પે’લી કુંપળ તડકામાં ચમકી

બે આંગળી વચ્ચે અંગૂઠો દાબી

ભાઈબંધને બતાવી

નાજુક, નમણી, કૂમળી કૂંપળ

પછી

ક્યારો, ખાતર, પાણી

રોજ સવારે જોયો

વધતાં છોડને

નીચેનાં પણ તોડ્યાં ઊંચો વધારવા

હથેળીમાં તોડેલાં પણ દાબી

આખી રાત તરફડ્યો

છોડ ઊંચે ગયો

હું શહેર ગયો

વૃક્ષ થયું વીસ વરસનું

ગામમાં લાતીઓ

ફળિયું, કુંપળ, છોડ, વૃક્ષ

લીલામીઓ થતી જુએ

વીસ વર્તુળનું જાડું થડ

દળદર ફીટી જાય તેવું જાડું

બસ, હવે

થપ્પીઓ લાગી જશે.

તારીખ, વાર, સમય બધું જ નક્કી છે

નજર સામે જ બધું થવાનું

જંગલ ખાતાનો કાગળ

હાથમાં ડૂચો

આંગળી વચ્ચે અંગુઠો સજ્જડ

લાતીના ધમધમાટમાં

જોયા કરું

પ્રથમ ફૂટેલી કૂંપળ