જંગલ છે ભઈ આ !
જંગલમાં મંગલ કે અમંગલ
એવું કશું ગોઠવી શકાય નહિ
ઉલટ સુલટ કરો તો ય
જંગલમાં જેમ તેમ ભમી શકાય નહિ
અડાબીડ વાંસ વનમાં
ધોળા દિવસે ય સૂરજ પહોચે નહિ
એવા જંગલની આ વાત છે
પીળાં તાજા જ ફૂટેલા વાંસ પરથી
પવન પસાર થાય ને
વાંસળીઓ વાગે ધીમા સૂરમાં
પવન પડી જાય ને નીરવ અંધકાર
એકાંત ઓઢી
ઝંપી જાય અઢળક શાંતિ
ઊંડી ખીણમાં નદી હોય
નરી આંખે દેખાય નહિ એટલી ઊંડી
આકાશના આછા અજવાળે
ઘેરાં; પોપટી પટ્ટા
લહેરાતાં નાજુક નાના નાના
નાગલીના ખેતર
No comments:
Post a Comment