નાગલી શેકવા તીર બાળી દીધાં
કામઠા ય ભાંગી નાખ્યા
હવે ફક્ત ગીલોળ
એકવીસ ભાયાતું
ચોસઠ ગામનો ધણી
હું
જંગલનો ય રાજા
દિવસભર કાળી મજુરી
રાતે મહૂડા નીચે
દરબાર ભરું
સલીયાણા ટાણે
ભાયાતું ભરે સલામ
દીવા નહિ
બતિયું બળે કોતરોમાં
કોર્ટ કચેરીની બાતમી
આખા જંગલમાં ફેલાય
સિમેન્ટનો પાક્કો નકશો
હુરતથી આવે
જંગલમાં સિમેન્ટનું જંગલ
વધુ ગાઢ અને મંગલ
પ્રાણીઓ નિર્ભય
પાણી નિર્મળ
પછી થશે મનમેળ
વાણી અને પાણીનો
ગિરા કાંઠે શબ્દ ધોધ જોતાં જોતાં
બીડી સળગાવવા મથતો
હું
આરણ્યક !!!
No comments:
Post a Comment